Connect with us
Elona Dobra

Gazetarja e njohur lë karrierën, i bashkohet politikës

Aktualitet

Gazetarja e njohur lë karrierën, i bashkohet politikës

Gazetarja e njohur kosovare Arbana Xharra, ka lajmëruar dorëheqjen nga gazeta Zëri dhe bashkimin me Partinë Demokratike të Kosovës (PDK) të Kadri Veselit.

Xharra pak muaj më parë akuzoi rëndë PDK duke e quajtur parti mafioze, dhe për ish-shefin e grupit parlamentar të PDK Adem Grabovci, Xharra shprehej se e bën atë për të vjellë. Kohë më parë Xharra e quante Kadri Veselin si ish-shefin e SHIKU-t në kohën e Millosheviçit por sot ajo Veselin e quan shef të partisë së saj.

Në maj të vitit 2014 Xharra e quante PDK “parti që pret duart” duke ju referuar një punëtori të saj që kishte humbur duart në vendin e punës të një anëtareje të PDK, dhe e konsideronte këtë parti si parti që ndjell frikë dhe ndër të tjera në shkrim theksohej “Tash na mbetet të shohim se kush e ka radhën të shantazhohet, kërcënohet e të shkelet nga margaritarët e PDK, kur preken interesat e tyre”.

Xharra është tallur me konventën e PDK dhe ish-zv.kryeministrin e PDK Hajredin Kuçi dhe e akuzonte atë për gjendjen e rëndë të burgjeve në Kosovë.

E akuzat e drejtëpërdrejta Xharra i vazhdoi duke shkruar në faqen e parë të gazetës që drejtonte se PDK kishte falimentuar PTK (Post Telekomunikacionin e Kosovës).

Xharra njihet si zë i rëndësishëm i mediave kosovare, por mesa duket edhe në Prishtinë si në Tiranë, ajo që vlen është politika. Megjithatë keqardhje që medias do i mungojë një zë antikonformist si i Arbanës, i urojme rrugë te gjatë në politikë./ dritare.net

Continue Reading
Advertisement Ambalazhe Kartoni
Click to comment

Leave a Reply

Your email address will not be published. Required fields are marked *

More in Aktualitet

Sondazh

A është Saimir Tahiri maja e Ajsbergut, në trafikun e drogës?

Loading ... Loading ...
To Top